avadhariMchagadavayya - అవధరించఁగదవయ్య

అవధరించఁగదవయ్య (రాగం: ) (తాళం : )

అవధరించఁగదవయ్య అన్నిరసములు నీవు
తివురుచునబ్బెనిదె తేనెమోవిరసము // పల్లవి //

చెలియచక్కఁదనాన శృంగారరసము
వెలయ బొమజంకెనల వీరరసము
కలయు రతికాంక్షలను కరుణారసము
అలరు మైపులకలను అద్భుతరసము // అవ //

తరుణిసరసములను తగుహాస్యరసము
పరుషంపువిరహాన భయరసము
బెరయు నిబ్బరములను భీభత్సరసము
గరిమ మరుయుద్ధాన ఘనరౌద్రరసము // అవ //

వనితఆనందముల వడిశాంతరసము
ననుపుమంతనములను నవరసంబులు
యెనలేని శ్రీ వేంకటేశ నీతోఁ గూడి
దినదినవినోదాల తిరమాయ రసము // అవ //

avadhariMchagadavayya (Raagam: ) (Taalam: )

avadhariMchagadavayya annirasamulu nIvu
tivuruchunabbenide tEnemOvirasamu // pallavi //

cheliyachakkadanAna SRuMgArarasamu
velaya bomajaMkenala vIrarasamu
kalayu ratikAMkShalanu karuNArasamu
alaru maipulakalanu adbhutarasamu // ava //

taruNisarasamulanu taguhAsyarasamu
paruShaMpuvirahAna bhayarasamu
berayu nibbaramulanu bhIbhatsarasamu
garima maruyuddhAna ghanaraudrarasamu // ava //

vanitaAnaMdamula vaDiSAMtarasamu
nanupumaMtanamulanu navarasaMbulu
yenalEni SrIvEMkaTESa nItO gUDi
dinadinavinOdAla tiramAya rasamu // ava //