ADrAnimA Tadi - ఆడరానిమా టది

ఆడరానిమా టది (రాగం: ) (తాళం : )

ఆడరానిమా టది గుఱుతు
వేడుకతోనే విచ్చేయుమనవే // పల్లవి //

కాయజకేలికిఁ గడుఁ దమకించఁగ
ఆయము లంటిన దది గుఱుతు
పాయపుఁబతికినిఁ బరిణాము చెప్పి
మోయుచుఁ దన కిటు మొక్కితిననవే // ఆడ //

దప్పిమోవితో తా ననుఁ దిట్టఁగ -
నప్పుడు నవ్విన దది గుఱుతు
యిప్పుడు దనరూ పిటు దలఁచి బయలు
చిప్పిలఁ గాఁగిటఁ జేర్చితిననవే // ఆడ //

పరిపరివిధములఁ బలుకులు గులుకఁగ
అరమరచి చొక్కిన దది గుఱుతు
పరగ శ్రీవేంకటపతి కడపలోన
సరవిఁగూడె నిఁక సమ్మతియనవే // ఆడ //

ADrAnimA Tadi (Raagam: ) (Taalam: )

ADrAnimA Tadi gurutu
vEDukatOnE vichchEyumanavE // pallavi //

kAyajakEliki gaDu damakiMchaga
Ayamu laMTina dadi gu~rutu
pAyapubatikini bariNAmu cheppi
mOyuchu dana kiTu mokkitinanavE // ADa //

dappimOvitO tA nanu diTTaga
nappuDu navvina dadi gu~rutu
yippuDu danarU piTu dalachi bayalu
chippila gAgiTa jErchitinanavE // ADa //

pariparividhamula balukulu gulukaga
aramarachi chokkina dadi gu~rutu
paraga SrIvEMkaTapati kaDapalOna
saravigUDe nika sammatiyanavE // ADa //